1. Tiu ca ambong
Tiu ca ambong
Toro ca poong
Muku ca puu
Ipung ca ti wu
Nakeng ca wae
To'e ca ponceng
Ame agu anak
neka woleng bantang
Ase agu kae
neka woleng tae
2. Padir wa’i
Ame agu anak neka waleng bantang
Ase agu kae neka woleng tae
Kesa agu kela neka woleng leras
Porong torok lonto
Padir wai rintuk sa'i
3. Oke Daat
Rewung menggu
Leso kolang
Usang lau nuca
Tesong tampar caka ranga
Wa
tana daat
Eta sekang dewa
One wae selaur
One leso silir
Porong wear
Beti leas
Asi beti sai
Mai ces agu cias
4. Wada tegi beka
Mboas wae woang
Kimbus wae tiku
Ciki neho ri’i
Bokok neho nol
Lebo kala wua wene
Wake caler nggersale
Saung bembang nggereta
Sekang bate kaeng
Natas bate labar
Compang bate congka
Uma bate duat
Wae bate tiku
Uwa haeng wulang
Langkas haeng tala
6.
Tiba
tuing
Ome puli keli le beci
Neka keti koles le weki
Ome puli alas le mbaga
Neka caca koles le raja
Neka ngguling musi tunis
Neka nggolong one gong.
7.
Tegi
cebo
Ame laing watu ware
Ine laing watu like
Molor lonto cama
Raes pande ra tawa
Nai ca anggit tuka ca lewa
Manik one nai nggalas one nawa
Dia pande dia ita
8.
Tuing
tau guri depang uma
Los Moso
Tela tuni
Dempus wuku
9.
Tuing
tau muti uma
Egar peangs ngengga
Toroks sekang tokong
Labang abang
Tongkeng Paker
Porong muti uma
10.
Nempung
weki
Lepet selengka wai
Tegi tuing dani
Neka lelak nai
Ome manga ata cai
Itus hae dari
Ata door tai
Laing nempung weki
11.
Hae
dari
Saler teba lime
Toe pasar ide
Itus baer ata dite
Saler teba wai
Toe babang laing
Itus baer hae dari
Karya: Hendrikus Haluan S.pd.
Tidak ada komentar:
Posting Komentar